संसार भर छरिएर रहेका मनकारीहरुले
हो मा हो मिलाउँदै सहयोग जुटाउन थाले पछि ,
मनका धनीहरुले मोबाइल र कम्पुटरमा
रातोदिन औला नचाए पछि

रुदै कराउँदै गुहार माग्दै
गरिबै गरिब र निर्बलै निर्बलहरुको भिडले घिसार्दै धकेल्दै
सफलताको पहाड चड्ने बाटो पहिल्याई सकिएको छ
अब बल्ल बुहारी फर्काउने आशा दह्रो भएको छ

छिट्टै बुहारी र नानीहरु फर्किने दिन नजिकिंदै छ
चिन्ता छैन उनीहरु हाम्रो साथमा नभएपनि
म, तपाई र हामी एक भए पछि ,
कामे, कामी र हामी एक भए पछि
कामे , कामी र हामी एक भए पछि !

काठमाडौँमा पर्यटन ब्यबसाय गर्दै रहनु भएका जीवनका मामा कामे मगरको खासमा यो सेप्टेम्बर देखि अत्यन्त व्यस्त समय हो, तर आफन्तलाई परेको बेला आफ्नो सारा काम र परिवार एकातिर छाडेर चितवनमा जिबनको लागि कागजात बनाउन मात्रै जानु भएन बुहारी र नानीहरुलाई फर्काउन भान्जा जिबन संगै फिलिपिन्स सम्म पुग्नु भएको छ !
हाल मामा कामे मगर ज्यु त्यहाँ बिमारका बाबजुद पनि हरेक आबश्यक कागजातहरु मिलाउनमा व्यस्त हुनुहुन्छ , वहाँ लाई हामी सम्पूर्ण नेपालीको तर्फबाट
हार्दिक -हार्दिक धन्यवाद र नमस्कार !